பிறந்தநாளன்று காணாமல் போவது

"முன்பு ஒருமுறை நண்பன் வீம்புக்காக செய்ததை

நான் ஒருநாள் விரும்பி செய்ய துணிந்தேன்

பிறந்தநாளன்று காணாமல் போவது

அனைத்து நாளையும் போலவே கடந்துவிட்டால்

பிறந்த நாளுக்கென்று என்ன மதிப்பு

தொலைபேசி அணைத்து , மின் கருவிகளை துறந்து

நானென்ற அடையாளமான நானாக

வாகனமற்று , தொலைதூரம் நடந்து

அவசியமில்லாத பேருந்து பயணம் செய்து

முடிந்த அளவு ஈகை செய்து

மீதி நேரம் முழுக்க புடித்த புத்தகத்தில் மூழ்கிக் கிடந்து

சாதாரண செயல்களால் அந்த ஒருநாளை விசேஷமாக மாற்றிக் கொண்டிருக்கிறேன்

அந்த வீம்பு நண்பனுக்கு நன்றிகள் "